病倒了！sad

開學後

Dan Dan 由10月咳到11月

叫做好D，只有D尾咳

但昨天爸爸早左放工回來

便帶他落街踩單車

其實已經包左頸巾

但點知咁都出事

回來後便咳過唔停

唉！諗住好返點知又黎過

其實在這過程中我地都有嘈過幾句

但大家都知原意大家都係為個仔好

於是第二日一早大家就沒有事

爸爸一早起床帶Dan dan 去睇醫生

食左藥後就爸爸返左工

點知半個鐘後

Dan Dan 就嘔左三次

重話肚dum 仔好痛

攪到我都心都實埋

於是乎叫左爸爸返來一陣

睇左佢無咩事後

就繼續返去公司做野

而家Dan dan 瞓左覺

希望佢快D好返啦！

35 months 成長日記

最愛波波池

 好好味呀!最愛DIY雪糕

可以陪阿仔返學,第一日有少少怕羞!

茶點時間,

 中秋節燈籠裝飾

 呢個頑皮仔

 爸爸真係慘,放工返來重要扮牛仔

 訂左NOOS(dermes分公司) 既Beauty box每月120元,就可享有不同類型
產品,真係好鬼抵 ,重要送埋上屋企!

同火車迷去大埔火車博物館睇火車

之後去食壽司,滿足的一天

Dan dan 開左學都有三星期啦

頭2日可以陪佢上兩日適應班

之後就要佢自己返學

頭幾日都有喊同話要我陪佢返

但比起返n班既慘況

真係進步咗好多好多

近呢幾日已經可以無喊咁比老師帶入課室

如果唔係之前有返n班真係有排喊啦

我都好欣慰佢進步左咁多！

其實入讀呢間幼稚園

無論學校環境（好大）、設施好齊全、近屋企

學費平同有小學、中學

雖然未必100% 入到

但起碼成數都好高

但唯一唔係咁鍾意就係多國內同胞

唉！真係多到揾個港人睇下都冇！

真係無完美

但我感覺D老師幾有愛心，同埋佢地都幾鍚dan dan 

諗深一層小朋友白紙一張

有老師睇住，希望大家都可以和平共處

開心咁係幼稚園玩同學習

係佢地新呢一代唔會出現咁多分歧同習慣啦

一間我認為對於我黎講咁好既學校

我唔想放棄law

講完學校講下dan dan 近況先

佢下個月就三歲啦

識講左好多野

開始識用下右手揸匙

好彩唔再係左右咋

重有識砌砌圖

大、小便都識去啦！

係唔鍾意擦牙

同食飯都係要人餵

係學校學識唱有隻雀仔跌落水

總體黎講進步左好多

今年同明年都有兩個大計要進行

希望順順利利

人生就係要不停奮鬥！

34months 成長日記

 佢叫呢隻做"飛船"

 自家制綠茶布甸,好吃嗎?

 自家制蛋糕,你食得開心,我做得滿足 ^_^

 

 

  
 題外話,新買既雙人被單連枕套+床單 $329
DSC有售,我好LiKE

 

 百厭星呢個名唔係浪得虛名

 
  又折左我對手套攪攪陣

小朋友好易Friend

就黎要返學啦,玩盡佢

重有十幾日Dan dan就開學啦

已買齊曬所有返學須要用既物品

真係好期待呀

今個月29號要返幼稚園開新生家長會

開學有2天伴讀日

我諗我會好珍惜

因為只有k.1先有

之後都唔會有咁既機會啦！

講返Dan Dan 佢呢個月有好大突破

就係終於戒到條屎片啦

講出黎真係醜C鬼

差不多成三歳先戒到

我見佢真係唔戒唔得

因為要開始返學啦！

於是用左最終極戒片法

就係全日唔同佢著褲仔

點知一試成功

自己終於識同我講去廁所boo boo  

果一刻我開心到不得了！

立刻買kinder 蛋比佢

同埋佢近呢星期無端端會講

我好鍾意你呀

我當堂lum到暈

重會指住我煮既餸話

煮得好好味呀

真係俾佢氹C我呀

雖然佢成日都係1啖砂糖3啖屎

但佢長大左之後我諗會好少聽到呢D說話

所以我要好好記低佢

等我日後懷緬下都好呀！

33 months 成長日記

新開左酒樓出去嘆下荼

 食得幾滋味

 佢而家成日同minnie傾計,擋正係佢女朋友甘

 2014 summer fashion

          大個仔啦,識得拚 ABC　puzzle 

                                

 無痾果陣玩得幾ＨＡＰＰＹ

但一肚痾起上黎，就抽搐成甘樣

係甘話媽媽肚痛，肚痛

攪到我心都實埋

七月好快就過去

重有一個月dan　ｄａｎ就開學了

真係既開心又期待

身邊有兩位好友，都又再懷孕有喜

真係好替她們高興

因為又會多ｂｂ出世

越來越熱鬧啦

而我都會計劃再 生多一個

但都想ｄａｎ　ｄａｎ開左學先再ｐｌａｎ

其實個心都會有ｄ擔心

驚到時有左，但唔舒服

又要湊住ｄａｎ  dan 會攪唔掂

 

 希望到時婆婆幫我手就好啦

前幾天dan　ｄａｎ腸胃炎

計埋今日係第4日啦

今日柯左幾次,

比起之前2日痾小左好多

我諗佢呢幾日痾左有30次

重痾到佢pat pat仔都損埋

真係陰公豬

希望過埋今日就好返啦

減肥曰誌.......第3個月

 到左第3個月

諗住可以減多4磅

點知成日開始為食食零食

開始有D鬆懈

減得1磅

去到129磅咋

真係要比心機加多D恆心先得呀

我唔貪心減多4磅就夠啦

125磅就達標架啦!

加油.努力!

唔寫住去做下鄭多燕先!

減肥日誌。。。第二個月

佢只係做吓樣整雪糕

 實惠之前做Promotion $599 ,抵過正價買

 一定要加純乳酪先夠固體,但真係幾方便
雪晒d杯材料,然後放入部機度就有得食啦!

lunch 時間

出街前,gel吓個頭先

 

  一本對減肥人仕唔錯既書

減左8磅既我,好想去返結婚時0甘瘦
要再比心機


經過兩個月後的減肥

由138減到130磅

共減左8磅

成績相當滿意

可能個胃細左概關係

食零食既慾望真係少左好多

以前食薯片可以食兩包再加雪糕呀、朱古力呀

但而家可以一包薯片分兩日食

之後都唔會再食垃雜野

當然每日都會上磅keep住睇下有冇食多左而又重左

如果重左之後果幾曰又會食反清D

總算係每日篤促住自己

而又每星期跳三次鄭多燕下

可以減到理想既磅數

其實我想挑戰一下可以

去到我結婚時最瘦既磅數122

重有8磅希望可以達標啦！

加油呀！達標後要獎勵自己去食餐buffet先得呀！

好消息!爸爸唔知係咪成日俾我哦得多

佢都開始加入減肥行列啦

32 months 成長日記

 肯自己食飯飯

 

 成日整呢個味皇樣出來

 同爸爸去DISNEY,開學後就無得成日去啦

佢可以睇越曠飛車,睇好耐架!

成日同D公仔傾計,越大越要搵人同佢玩

  開始同爸爸餅印0甘既樣

  超級電影迷

 前果排同爸爸去踩單車,踩得耐果頭,比風吹親
又發燒,又咳,要睇醫生,慘.慘.慘

 因為病特別摟計,一大早起左身,要爸爸陪住訓

  多謝爸爸朋友送既禮物

 新整既家居裝飾,我好鍾意呀!

有一日,DAN DAN 好早起左身,晨曦既光照入屋,好好Feel呀



近呢個月開始覺得Dan Dan 懂事左

有時叫佢做D野都開始肯做

叫佢掉垃圾

以前晚上怕黑唔夠膽入廚房掉

而家開始夠膽啦

又有畤玩完D玩具自己肯收拾

食完餅食到個地下污穢左

肯自己用吸塵機吸返乾淨

見到佢有進步

我個心都好欣慰

唔再係blog度呻佢D曵野

有時揍住佢係幾辛苦

無曬私人時間

晚上都唔會一覺訓天光

但回想呢三年

多左呢個百厭星

我個人既心安定左好多

因為多左佢令我無時間諗D無謂野

反而多左佢，令爸爸更專心工作

努力揾錢,去達成未來更多既夢想

成日回想dan Dan 由一個手抱bb仔

到識轉身、坐、走路

叫爸爸、媽媽

到自己識去廁所，自己進食

雖然係幾行字

但當中既過程真係得來不易

Dan Dan 我好想陪伴你成長

你長大後能和你做好朋友

希望你成長後還記得我呢個媽咪

最多我應承你做一個唔囉嗦

開通既媽媽