產品,真係好鬼抵 ,重要送埋上屋企!
Dan dan 開左學都有三星期啦
頭2日可以陪佢上兩日適應班
之後就要佢自己返學
頭幾日都有喊同話要我陪佢返
但比起返n班既慘況
真係進步咗好多好多
近呢幾日已經可以無喊咁比老師帶入課室
如果唔係之前有返n班真係有排喊啦
我都好欣慰佢進步左咁多！
其實入讀呢間幼稚園
無論學校環境（好大）、設施好齊全、近屋企
學費平同有小學、中學
雖然未必100% 入到
但起碼成數都好高
但唯一唔係咁鍾意就係多國內同胞
唉！真係多到揾個港人睇下都冇！
真係無完美
但我感覺D老師幾有愛心，同埋佢地都幾鍚dan dan
諗深一層小朋友白紙一張
有老師睇住，希望大家都可以和平共處
開心咁係幼稚園玩同學習
係佢地新呢一代唔會出現咁多分歧同習慣啦
一間我認為對於我黎講咁好既學校
我唔想放棄law
講完學校講下dan dan 近況先
佢下個月就三歲啦
識講左好多野
開始識用下右手揸匙
好彩唔再係左右咋
重有識砌砌圖
大、小便都識去啦！
係唔鍾意擦牙
同食飯都係要人餵
係學校學識唱有隻雀仔跌落水
總體黎講進步左好多
今年同明年都有兩個大計要進行
希望順順利利
人生就係要不停奮鬥！
大個仔左好多呀...就黎3歲, 媽媽諗定點樣幫DAN DAN慶祝未呀?
回覆刪除Amy Ma Ma : 我地都係一家三口簡簡單單甘過算啦 ^^
刪除時間真係過得好快，係時候唔好眨咁多眼啦！哈哈......
回覆刪除HA HA 真係過得好快呀 ^^ 好耐無見你啦..... 點解我唔可以ADD你既?
刪除好有進步，继续加油呀！
回覆刪除同学多數唔係HK人，你指同班定同校呀？但係学校大、老師有愛心，可一条龙升小学及中学，好好呀！
小朋友真係好天真，只要佢地都係斯斯文文，那里來的都不是問题呀！
我同事個女HK升唔到大学，差d得了抑屈，剛去了廣州讀，好开心呢！
其實我都係想佢讀得開開心心,其實呢間學校各樣都真係唔錯,但真係好多國內同胞,接佢放學時,真係搵個人傾下計都幾難!其實係全校都係,
刪除佢返左學之後,學左D頑皮野返黎,例如去公園玩會打尖,同會去霸人地D野玩,佢之前未開學係唔會甘架,唯有自己慢慢再教返好佢,有時都唔知係咪自己偏見,但眼見佢就學左呢堆壞習慣返來!
嘩，大部份係同胞，之前面試時，你已知嗎？
刪除記得上年揾N班学校面试時，有一間又係話多同胞，小朋友学到曳野，但当去面試時，又唔觉咁多同胞！
咁Dan Dan 啲同学仔会否多數講普通話而難溝通呢？
http://wangtsznok.blog.163.com/blog/static/134044164201391201933861/
刪除前天剛睇到依篇，令我很感動！
刪除其实每对父母都係想给最好的比子女。
其實之前都知知地，但就無諗過比例上咁多，其實北區真係好多國內同胞架，我一落街就撞口撞面都見，所以🈶時一放假都會想岀去第二區行下抖吓氣，唉！總之就係好無耐架！
刪除但我覺得D老師都幾鍚Dan dan ，其實都希望D家長好似佢地同小朋友一樣重新再學習啦！（包括我自己）
刪除dandan叻仔 + 大個仔，不斷地進步，繼續加油喔 ~
回覆刪除Sarah, 你好似又瘦左！^^
佢剛滿3歲就比人問夠3歲未?
刪除日後同佢去食野,好快就要收費啦>.<
我KEEP住都係甘啦,近期懶,無咩點做運動 ^^
點解唔可以用左手呀?!
回覆刪除眨下眼又咁大個嗱！又一個新階段囉！
回覆刪除Sarah, 你幾好嗎？呢排少見你update blog，係咪好忙？
回覆刪除忙時忙，天氣轉涼，你同dandan都要小心保暖呀！take care ~