阿仔近况27 months

阿仔而家27 個月大

比起三個月前又大個左

返到屋企識擺鞋入櫃

識得話唔要片片

但都係未完全戒得晒！

係屋企就盡量唔同佢穿片

不過就成日問住佢有無vv呀？

但佢會成日好口爽咁話＂無＂

之後就會頼一地vv 

但都係要保持耐性

幫佢戒左佢

如果唔係入到k1 重未戒到片

就醜死怪啦！

過多二幾日就新年啦

佢而家返到屋企會問佢識唔識祈禱呀？

佢就會話感謝天父、賜我食物

之後一句都聽唔明

最後就話呀門好野

比佢笑死！

夜晚訓覺要人攬住佢先肯訓

叫佢錫我地塊面

可能聽得多我叫佢錫埋呢邊

佢而家識自動波咁話錫埋呢邊

呢隻仔真係讓我歡喜讓我嬲

返學終於都唔再喊啦！

近呢十幾日又覺得佢識多左好多野！

年初三的一個早上

今天不知為什麼會咁早醒左

早上7點已醒左

真係一年都無一次呀

對於咁懶訓既我

可能是擔心阿媽會否照顧阿公會否太累

因阿公近呢排身體開始下滑

而我又要照顧Dan dan分唔到身

去幫輕阿媽既負擔而擾心吧

有時候想下

媽媽都已經六十五歲

畢竟她獨力捱大我們三兄妹

都已經很辛苦

前排她身體又不是很好

心中真是很擔心

老人家年紀開始大

襯她們還有健康時

真的要好好孝順她們

免得換來日後後悔！

人大了,不再只係諗吃喝玩樂

要多關心家中的老人家