有所感慨。。。

人開始大咗

諗野唔同左

見到老人家開始體弱多病

真係要多關心她們

由其是我媽媽

由於我是從單親家庭長大

媽媽一手湊大我們三兄妹

真的唔簡單

做了人媽媽後

知道做人阿媽既辛苦

更可況係一個湊三個

今天打比她

知道她雙腳開始有痛痺

醫師説係產後風

完來坐月坐得唔好

真係會有好多後遺症

而呢個產後風亦都㑹因為年齡開始慢慢增長

抵抗力開始下降而慢慢發出來

找左兩個小偏方

希望幫到媽媽呀！

戒、戒、戒陋習

每天我最期待既時間,午睡時間,甘我就可以有返d私人空間啦!

 最愛食麵麵,



今個月踏入30個月大

其實有幾樣陋習都慢慢戒甩左

例如戒到在家既片片

但未戒到臭臭同去街果條

戒左飲住奶樽訓覺

同埋學識左早晚刷牙

最最最想佢戒甩既睇i pad 都漸漸幫佢戒甩埋

雖然都有時比佢玩下，

但比起以前真係縮減左好多時間

但而家最想佢自己學識食野

開始train佢要自己進食

有d進步肯"筆" 幾匙入口

因為無耐性,之後都係要我餵返,

但總括黎講都總算有好多野都有進步

行下東薈城

 
諗左好耐,終於買左佢 ^_^ ,做左人阿媽真係姑寒左好多!

HI 5 呢個鬼仔好靚仔......

 每次一做HI 5,呢條友仔就會不停係梳化度狂jump

 屋企每日都好似打仗甘,執餐死

 攞住條生意粉,成條食晒,係0甘話好味好味!吹脤......

 開始教佢用筆亂畫,但佢好似成日鍾意用左手,唯有慢慢教
我感覺然仔係左右>-<


今日爸爸放假

咁難得機會一家三口去左東薈城行街

但感覺outlet d 衫又唔平又唔靚

所以都冇咩斬獲

點知行到去coach 入去逛逛

睇下有咩荀野執

竟然撞到個舊同事

我睇重左果個銀包

佢話幫我攞可以有3.5折

而本身已經做緊半價

但因睇中個款未夠日子攞

所以要等多十幾日先有

由於心急既我無耐性

所以最後用半價買左佢

好開心呀！要多謝曬爸爸！

想換左好耐既銀包終於換左啦！

要再encore多一個？？？

同埋婆婆一齊去DISNEY ,但婆婆唔肯入鏡,HAＨＡ

玩左成５個鐘，都無咩點摟計 ，真係岩晒小朋友去

今日自己學食麵

食到有半碗, 已經好叻仔!


Dan dan而家兩歳半

過多幾個月就入k 1 啦

時間過得真係快呀！

近期腦中都想起一個問題，

就是生唔生多個？

因為我暫時係全職媽媽

驚生多個會照顧唔黎

但爸爸今天在廚房同我好認真地講

想再追多個

我都心有所動

但應該唔係今年既事，

希望係Dan Dan 開學後，

或出年年頭再計畫懷孕

因為我想生羊咩咩呀！

爸爸同我説

只要有仔女

我們便更有動力去搵錢養家

唔好到自己年紀太大時才後悔

自己沒有生多個

因為到我們年老時

最想就是見到兒女回來探兩老

更不想擔子落在一個身上

因他會很辛苦的

更想有多個伴陪著長大

大家有商有量

聽到都很有道理

所以便想再ＥＮＣＯＲＥ多一個